2024-cü ildə Apple bütün iPad seriyalarını yeniləyəcək, lakin Air modeli şirkətin prioritet cihazı olacaq. Bu barədə TF International Securities şirkətinin tanınmış insayderi və analitiki Ming-Chi Kuoya istinadən MacRumors məlumat yayıb.
Kuonun sözlərinə görə, 2024-cü ildə Apple üçün əsas planşet 12,9 düymlük displeyli tamamilə yeni iPad Air olacaq. Yeni Air-in ekranı IPS texnologiyasından istifadə etməklə hazırlanmağa davam edilsə də, iPad Pro kimi oksid arxa panelə sahib olacaq. Bu, hazırkı 10,9 düymlük iPad Air-dən daha yaxşı displey performansını təmin edəcək.
Yeni iPad Air-dən sonra Apple yenilənmiş 11 və 13 düymlük iPad Pro-nu təqdim edəcək. Onlar yeni korpus dizaynı, OLED matrisi və M3 çipi alacaqlar. Sonuncu 2023-cü ildə Mac kompüterlərində debüt etdi.
Mənbə: TASS
