Federal Aviasiya Administrasiyası (FAA) 2022-ci ilin avqustunda Starlink Group 4-27 missiyasının işə salınmasından əvvəl toqquşma trayektoriyasının təhlili məlumatlarını agentliyə təqdim etmədiyi üçün SpaceX-dən 175 milyon dollar cərimə tələb edib.
Bu barədə “Reuters” məlumat yayıb.
FAA, SpaceX-in buraxılış cəhdindən ən azı yeddi gün əvvəl birbaşa agentliyə məlumat verməsinin tələb olunduğunu söylədi. Bu məlumat daşıyıcı raketin Yerin orbitində izlənilən minlərlə obyektdən biri ilə toqquşma ehtimalını qiymətləndirmək üçün istifadə olunur.
SpaceX-in FAA sorğusuna cavab vermək üçün 30 gün müddətinin olduğu bildirilir.
Mənbə: Reuters
İctimai.az