Kremlin sözçüsü Dmitri Peskov Rusiya prezidenti Vladimir Putinin Rusiya Sənayeçilər və Sahibkarlar İttifaqının (RSPP) qurultayı zamanı dediyi qeyri-dost elitalar haqqında sözlərini şərh edib.
Putin qeyd edib ki, “dost olmayan ölkələr” ifadəsi mövcud vəziyyəti düzgün əks etdirmir, çünki Rusiyanın dost olmayan elitaları və hökmdarları var.
“Prezident demək istəyirdi ki, dost olmayan ölkələrdə hər şeyə rəğmən, ölkəmizdə fəaliyyətlərini davam etdirməkdə maraqlı olan dost şirkətlərin olduğu vəziyyət barədə düşünməyin mənası var. Prezident daim deyir ki, biz çevik olmalı, öz maraqlarımıza ən uyğun şəkildə hərəkət etməliyik. Buna görə də bu, hər bir konkret halda çevik və seçici mövqe tutmaq üçün səbəbdir”, – Peskov izah edib.
Mənbə: RİA Novosti
İctimai.az