Böyük Britaniya Ukraynaya yeni maliyyə dəstəyi paketi təqdim etməyi planlaşdırır.
Bu barədə Britaniya hökumətinin mətbuat xidməti məlumat yayıb.
Paketə Dünya Bankı üçün 3 milyard dollar kredit zəmanəti və 240 milyon funt sterlinq (300 milyon dollardan çox) ikitərəfli yardım daxildir.
“Bu gün Böyük Britaniya Ukraynaya böyük maliyyə dəstəyi paketi təqdim edəcək, o cümlədən Ukraynanın iqtisadi sabitliyini gücləndirmək üçün Dünya Bankının 3 milyard dollarlıq kredit zəmanəti”, – deyə bəyanatda bildirilir.
Qeyd olunur ki, maliyyə vacib dövlət xidmətlərinin, o cümlədən məktəblərin və xəstəxanaların saxlanması xərclərinin dəstəklənməsinə yönəldiləcək.
Mənbə: BBC