Gürcüstanın baş naziri İrakli Qaribaşvili uşaqlar və gənclər arasında LGBT təbliğatına qarşı çıxış edib.
Bu barədə Sputnik Gürcüstan xəbər verir.
Onun sözlərinə görə, məktəb və bağçalarda LGBT-nin bu cür təbliğatı yolverilməzdir.
“Əlbəttə, hər kəsin həyat tərzini seçmək hüququ var, biz heç kimin işinə və şəxsi həyatına qarışmırıq, lakin digər tərəfdən, xarici uşaq bağçalarında və məktəblərində aparılan hədsiz təbliğat mənim üçün qətiyyən qəbuledilməzdir”. dedi.
Qaribaşvili söz verib ki, Gürcüstanda bu “olmayacaq”.
O, Gürcüstandakı McDonald’s restoranlar şəbəkəsində aparılan əxlaqsız LGBT təbliğatını da adlandırıb. Restoranın uşaq menyusunda müğənni Elton Conun həyatından, onun kişi ilə evliliyindən və onların uşaqlarından bəhs edən hədiyyə kitabı peyda olub. Baş verən qalmaqaldan sonra bütün kitablar ələ keçirilib.