Rusiyalı valideynlərin yalnız üçdə biri (29%) övladına nə edəcəyini – istirahət və ya oxumağı seçmək imkanı verir. Bunu Movix və A2:Research agentliyinin birgə araşdırması göstərib və onun nəticələrini Gazeta.Ru nəzərdən keçirib.
Sorğunun nəticələrinə görə, valideynlərin 20%-i yay tətilində övladlarını oxumağa məcbur edir. Hər üçüncü valideyn (27%) övladının tətilini elə təşkil etməyə çalışır ki, asudə vaxt və təhsil arasında balansı qorusun. Hər beşinci (20%) hesab edir ki, uşaqlar yayda təhsil prosesini davam etdirməlidirlər. Respondentlərin 22%-i övladı üçün oxumaqdansa istirahəti seçir. Digər üçdə biri (29%) uşağa nə edəcəyini müstəqil seçmək imkanı verir.
Sorğuda iştirak edən valideynlərin, demək olar ki, yarısı (46%) hesab edir ki, yayda uşaq kompüter və qadcetlərdən istifadəni məhdudlaşdırmalıdır. Belə ki, məzuniyyətdə olan respondentlərin 25%-i uşaqlara cihazlardan yalnız təhsil məqsədləri üçün istifadə etməyə icazə verir; Respondentlərin 40%-i uşağına kompüterdə oynamağa və filmlərə baxmağa icazə verir; Valideynlərin 12%-i övladlarının sosial şəbəkələrdə ünsiyyət qurmasına icazə verir.
Mənbə: Gazeta.Ru