Azərbaycan şahmatçısı Nicat Abasov Bakıda təşkil olunan Dünya Kubokunda yarımfinal mərhələsinin ilk oyununu keçirib.
28 yaşlı qrossmeyster beşqat dünya çempionu, norveçli Maqnus Karlsenlə üz-üzə gəlib.
Qara fiqurlarla mübarizə aparan N. Abasov rəqibinə məğlub olub. İkinci qarşılaşma sabah keçiriləcək.
Qeyd edək ki, Nicat Abasov 1/4 finalda Hindistan təmsilçisi Vidit Santoşu, M. Karlsen isə onun həmyerlisi Domaracu Qukeşi mübarizədən kənarlaşdırıb.