Ukrayna prezidenti Vladimir Zelenski Yunanıstanın baş naziri Kiriakos Mitsotakislə görüşündən sonra keçirdiyi brifinq zamanı bildirib ki, yunan şirkətləri Ukraynadan taxıl ixrac etməyə hazırdır. Müvafiq video onun Telegram kanalında yerləşdirilib.
“Ən əsası odur ki, Yunanıstan şirkətləri Ukrayna taxılının ixracında iştirak etməyə hazırdır. Biz buna çox ümid edirik”, – deyə Ukrayna lideri bildirib.
Bundan əvvəl Rusiya, Türkiyə və Qətərin taxıl müqaviləsini əvəz etmək üçün yeni saziş hazırladığı bildirilirdi. Nəşrin yazdığına görə, Moskva taxıl sazişindən çıxacağı ilə bağlı Ankaraya əvvəlcədən xəbərdarlıq edib və hazırda Rusiya, Türkiyə və Qətər yeni üçtərəfli saziş üzərində işləyir. O, Rusiya taxılını əsasən Afrikanın kasıb ölkələri ilə təmin etməyi təklif edir. Təchizatların təşkilatçısı qismində Türkiyə çıxış edəcək, Qətər isə onlara sponsorluq edəcək.
Mənbə: TASS