Gürcüstan məhkəməsi 18 şəriki ilə birlikdə seçkinin nəticələrini ştatda öz xeyrinə dəyişməyə cəhddə ittiham olunan ABŞ-ın keçmiş prezidenti Donald Trampın işinə mahiyyəti üzrə baxılmasına oktyabrın 23-də başlamaq qərarına gəlib. Bu barədə RİA Novosti məlumat yayıb.
Agentlik vurğulayır ki, yerli jurnalistlər Trampın keçmiş vəkili Kennet Çesbroya ünvanlanan sənədi dərc ediblər. İddia olunur ki, prokurorluq bütün müttəhimlər üçün dinləmələrin başlanması üçün vahid tarix istəyib.
Nəşr yazır ki, ittihamların rəsmi oxunması və onlara cavab verilməsi üçün iclas sentyabrın 6-na təyin edilib, sübutlar bazasının sentyabrın 30-dək mübadiləsi təklif edilir.
Mənbə: RİA Novosti