Ukraynanın xarici işlər naziri Dmitri Kuleba bildirib ki, Kiyev Türkiyə rəhbəri Rəcəb Tayyib Ərdoğanın danışdığı taxıl müqaviləsinin bərpası məsələsində güzəştə getmək niyyətində deyil. Strana.ua Teleqram kanalının məlumatına görə, bu barədə Ukrayna Xarici İşlər Nazirliyinin rəhbəri telemarafonun efirində danışıb.
Kuleba vurğulayıb ki, Ərdoğanın Soçidə Rusiya prezidenti Vladimir Putinlə görüşündən əvvəl ukraynalı diplomatlar Türkiyə rəsmiləri ilə əlaqə saxlayıb və “onlara hər şeyi aydın şəkildə izah ediblər”.
Ukraynalı nazir bəyan edib ki, Kiyev “Rus şantajının” girovuna çevrilməməlidir və Ukrayna “bütün fundamental mövqeləri”, o cümlədən Rusiyaya qarşı sanksiya təzyiqi ilə bağlı mövqeləri müdafiə edəcək.
Mənbə: Haber Global