Çinin Nigerdəki səfiri Jiang Feng bildirib ki, Pekin bu ölkədəki böhrana vasitəçilik etmək niyyətindədir. O, Nigerin üsyançıların təyin etdiyi baş nazir Əli Mahamane Lamin Zein ilə görüşüb.
Səfir Nigerin milli televiziyası RTN tərəfindən yayımlanan çıxışında deyib: “Çin hökuməti Nigerdəki böhranın siyasi həllini tapmaq üçün bölgə ölkələrinə tam hörmətlə yaxşı xidmətlər göstərməyə və vasitəçilik rolunu oynamağa sadiqdir”. Bu barədə RİA Novosti məlumat yayıb.
Diplomat onu da əlavə edib ki, Çin həmişə başqa ölkələrin daxili işlərinə qarışmamaq prinsipinə sadiqdir.
Mənbə: RİA Novosti