Böyük Britaniyanın xarici işlər naziri Ceyms Kleverli Nyu-Yorkda Xarici Əlaqələr Şurasında çıxışı zamanı BMT Təhlükəsizlik Şurasının üzvlərinin sayının artırılmasını dəstəklədiyini bildirib. O qeyd edib ki, Böyük Britaniya Hindistan, Braziliya, Almaniya və Yaponiyanın BMT Təhlükəsizlik Şurasının daimi üzvləri kimi daxil edilməsini dəstəkləyir. O, həmçinin vurğuladı ki, Afrika dünya səhnəsində daha güclü təmsil olunmağa layiqdir.
Bu barədə TASS yazır.
Hazırda BMT Təhlükəsizlik Şurası beş daimi üzvdən – Rusiya, Böyük Britaniya, Çin, ABŞ və Fransadan ibarətdir və onların hər birinin veto hüququ var. Şuranın on qeyri-daimi üzvü coğrafi əsasda seçilir.
Bundan əvvəl Rusiyanın xarici işlər naziri Sergey Lavrov Rusiyanın Afrika, Asiya və Latın Amerikası təmsilçiliyi vasitəsilə BMT Təhlükəsizlik Şurasının genişləndirilməsinə dəstək vermək niyyətini açıqlamışdı. O, Hindistan və Braziliyanı məcburi Afrika təmsilçiliyi ilə BMT Təhlükəsizlik Şurasının daimi üzvlüyünə layiqli namizədlər kimi qeyd edib.
Mənbə: TASS