İtaliyadan Ukraynaya səkkizinci hərbi yardım paketi 2023-cü ilin sonuna qədər hazır ola bilər; Kiyev hava hücumundan müdafiə sistemini gücləndirmək üçün Romadan materiallar istəyib. RİA Novosti xəbər verir ki, bu barədə İtaliyanın “la Repubblica” qəzeti məlumat yayıb.
İtaliyanın xarici işlər naziri və baş nazirin müavini Antonio Tajani Kiyevə yeni hərbi yardım paketinin hazırlandığını açıqlayıb. Onun sözlərinə görə, “siyahıya təkcə öldürücü silahlar deyil, həm də avadanlıqlar, ola bilsin ki, gecə görmə eynəyi də daxildir”.
Qəzetin qeyd etdiyi kimi, İtaliya hökumətinin hansı növ silah sistemlərini ötürmək fikrində olduğu hələlik məlum deyil. Məqalədə həmçinin vurğulanır ki, İtaliya Fransa ilə birlikdə Ukraynanı Samp-T sistemləri ilə təmin etdikdən sonra Vladimir Zelenski Ukraynanın “şəhərlərinin hava hücumundan müdafiəsinə yenidən töhfə verməyi xahiş edib”.
Mənbə: RİA Novosti