İsrailin baş naziri Benyamin Netanyahu ABŞ prezidenti Co Baydenlə söhbət edib və o, Qəzza zolağında mövcud dörd günlük atəşkəsin uzadılmasının mümkünlüyünü bildirib. Bu barədə “Times of Israel” qəzeti məlumat yayıb.
“Baş nazir qeyd edir ki, hazırkı dörd günlük atəşkəs daha çox girovun azad edilməsinə imkan vermək üçün uzadıla bilər: hər gün daha 10 nəfər”, – nəşr bildirib.
Qeyd edildiyi kimi, İsrail Nazirlər Kabinetinin rəhbəri də Amerika liderinə bildirib ki, atəşkəslə bağlı hazırkı razılaşmanın sona çatmasından sonra İsrail Müdafiə Qüvvələri (İDF) Fələstinin HƏMAS hərəkatını məhv etmək məqsədinə çatmaq üçün tam gücü ilə davam edəcək.
Mənbə: Times of Israel