Rusiya İrana Su-35 çoxməqsədli qırıcıları, Mi-28N hücum helikopterləri və Yak-130 döyüş təlimçi təyyarələri verəcək.
Bu barədə İranın Tasnim agentliyi respublikanın müdafiə nazirinin müavini Seyid Mehdi Fərhiyə istinadən məlumat yayıb.
“Rusiya istehsalı olan Su-35 qırıcıları, Mi-28 hücum helikopterləri və Yak-130 təlim təyyarələrinin İrana tədarükü ilə bağlı razılaşmalar tamamlanıb”, – deyə məlumatda bildirilir.
O qeyd edib ki, bu döyüş maşınlarının İran hərbi hissələrinə daxil edilməsi planları tamamlanıb.
General onu da əlavə edib ki, İran regionda ən böyük hərbi helikopter parkına malikdir.
Mənbə: Gazeta.ru