Corciya Universitetinin amerikalı psixoloqları müəyyən ediblər ki, insanlar nitqdən istifadə edə bilməyəndə eyni jestlərə müraciət edirlər. Tədqiqat Language and Cognition (LAC) elmi jurnalında dərc olunub.
Mütəxəssislərin qənaətləri üç yaşdan 12 yaşa qədər olan uşaqların iştirak etdiyi eksperimentin nəticələrinə əsaslanır. Onların yarısı yalnız ingiliscə, digər yarısı isə ancaq türkcə danışırdı. Alimlər bir-birindən əhəmiyyətli dərəcədə fərqləndiyi üçün ingilis və türk dillərini seçiblər.
İştirakçılardan əvvəlcə nitq və jestlərdən istifadə edərək, sonra isə yalnız əl jestlərindən istifadə etməklə eyni hadisələri təsvir etmələri istənilib. Psixoloqlar müəyyən ediblər ki, uşaqlar eyni anda danışanda və işarə etdikdə onların hərəkətləri fərqli olur. Ancaq şifahi olmayan dilə keçərkən uşaqlar təxminən eyni hərəkətləri nümayiş etdirməyə başladılar.
Mənbə: Gazeta.ru