Bir qrup amerikalı konqresmen ABŞ prezidentinin milli təhlükəsizlik üzrə müşaviri Ceyk Sallivana məktub göndərərək Rusiyanın enerji sektoruna qarşı hərtərəfli sanksiyaların tətbiqinə çağırıb.
Milli təhlükəsizlik və maliyyə təhlükəsizliyinə nəzarət edən Nümayəndələr Palatasının müxtəlif komitələri və alt komitələrinin rəhbərləri tərəfindən imzalanmış sənəddə Ağ Evin Rusiyaya Ukraynadakı münaqişəni maliyyələşdirməyə davam etməyə imkan verən “qiymət həddi” siyasəti pislənir. Konqresmenlərin fikrincə, “qiymət tavanı” ondan gözlənilən effektivliyi nümayiş etdirmədi.
Bunun əvəzində Nümayəndələr Palatasının üzvləri hesab edir ki, Rusiyanın enerji sektoruna qarşı Rusiyanın enerji resurslarının, xüsusilə də neftin satışından əldə etdiyi mənfəətləri daha effektiv hədəfə alacaq hərtərəfli sanksiya rejimi tətbiq etmək lazımdır.
Mənbə: CNN türk