Google Play proqramlar mağazasının təhlükəsizlik sistemi Rusiyanın 2GIS naviqasiya xidmətinin zərərli olduğunu müəyyən etməyə başlayıb. TASS bu barədə 2GIS-in tərtibatçılarına istinadən xəbər verir.
Agentliyin məlumatına görə, Rusiya xidmətinin istifadəçiləri Google Play-dən proqramın təhlükəli olması barədə xəbərdarlıqlar almağa başlayıblar. Xüsusilə, mağazanın təhlükəsizlik sistemi iddia edir ki, 2GIS SMS, fotoşəkillər, səs yazıları və zəng qeydləri kimi şəxsi məlumatlara çıxış əldə etməyə çalışır.
2GIS-in tərtibatçıları onların tətbiqinin etibarsızlığı ilə bağlı məlumatları təkzib ediblər. Eyniadlı şirkət xidmətin tamamilə etibarlı olduğuna və istifadəçilər üçün təhlükə yaratmadığına əmindir.
Mənbə: TASS