İsveçin Volvo Cars şirkəti Qırmızı dənizdəki vəziyyətlə əlaqədar ehtiyat hissələrinin tədarükündə gecikmələrə görə gələn həftə Belçikanın Gent şəhərindəki zavodunda avtomobil istehsalını üç gün müddətinə dayandıracaq. Bu barədə Reuters xəbər verir.
Volvo nümayəndəsinin nəşrə verdiyi məlumata görə, Gentdə avtomobil istehsalının dayanmasına sürət qutularının çatışmazlığı səbəb olub. Təchizat problemləri Yəməndən husi üsyançılarının Qırmızı dənizdə ticarət gəmilərinə hücumları nəticəsində başlayıb. Bununla belə, müvəqqəti fasilə avtomobillərin çatdırılmasına, istehsal hədəflərinə və İsveçin Göteborq şəhərindəki başqa bir Avropa zavodunun fəaliyyətinə təsir göstərməyib.
Husilər Qəzza zolağında İsrailə qarşı mübarizə aparan Fələstinin İslami Həmas qruplaşması ilə həmrəy olaraq yük gəmilərini atəşə tutub.
Mənbə: Reuters