Dünyada üç milyona yaxın ağıllı diş fırçası hakerlər tərəfindən sındırılıb və İsveçrə şirkətinə kütləvi DDoS hücumunda iştirak edib. Bu barədə Tom’s Hardware məlumat yayıb. KİV-in məlumatına görə, hücuma məruz qalan şirkətə milyonlarla avro ziyan dəyib.
Hesabatda çirklənmiş diş fırçalarının xüsusi markası qeyd olunmur. Bununla belə, onların istifadəçi vərdişləri haqqında məlumatları mobil tətbiqə ötürmək üçün internetə çıxışı olduğu qeyd edilib. Hücumçular Java proqramlaşdırma dilində yazılmış qadcet proqram təminatında boşluq aşkar ediblər.
Fortinet kibertəhlükəsizlik şirkətinin İsveçrə bölməsindən Stefan Züqer bildirib ki, istənilən “ağıllı” qadcet – diş fırçası, marşrutlaşdırıcı, pristavka və ya başqa hər hansı bir şey hakerlər tərəfindən DDoS hücumları həyata keçirmək üçün istifadə oluna bilər. O izah edib ki, belə qurğular mütəmadi olaraq təcavüzkarlar tərəfindən zəifliklər və onlara qoşulma imkanları üçün yoxlanılır.
Mənbə: TASS