ABŞ Senatı Ukrayna və İsrailə yardım göstərmək və cənubda təhlükəsizlik tədbirlərini gücləndirmək üçün kompromis paketi qanun layihəsini rədd etdiyi üçün ABŞ-ın hazırkı prezidenti Co Baydenin administrasiyası ABŞ-ın cənub sərhədində miqrantlara qarşı birtərəfli tədbirlər görməyi nəzərdən keçirir. Bu barədə NBC News mənbələrə istinadən məlumat yayıb.
“Bayden administrasiyası cənub sərhədində qeyri-qanuni miqrasiyanın qarşısını almaq üçün icraedici addımlar atmağı nəzərdən keçirir, iki ABŞ rəsmisi deyib… Nəzərdən keçirilən birtərəfli tədbirlər Konqresdəki bəzi mütərəqqi şəxsləri narahat edə bilər”, – deyə telekanal bildirib.
Planlar Ağ Evin sərhəddəki miqrantların sayı yenidən yüksəlməzdən əvvəl tədbir görmək istədiyini göstərir.
Mənbələrin bildirdiyinə görə, bu planlar bir neçə aydır ki, nəzərdən keçirilir. Dekabr ayında Güneydə qeyri-qanuni sərhəd keçidlərinin sayı rekord qırıb, gündə 10 mindən çox.
Mənbə: Lenta.ru