Rusiya əsgər və zabitləri dövlətin və cəmiyyətin sütunlarıdır. Bu barədə Rusiya Prezidenti Vladimir Putin Kremlin mətbuat xidməti tərəfindən dərc edilmiş Vətən Müdafiəçiləri Günü ilə bağlı video müraciətində bildirib.
“Əsgər və zabitlərimiz əsl vətənpərvərlər, müstəsna mətanət və sarsılmaz iradəyə malik insanlar, dövlətin və cəmiyyətin sütunlarıdır”, – deyə o bildirib.
Rusiya lideri bütün Rusiya əsgərlərinə igid xidmətlərinə görə minnətdarlığını bildirib. Prezident onlara və onların ailələrinə, qohumlarına və yaxınlarına ən xoş arzularını çatdırıb.
“Rusiya xalqı sizinlədir və sizə inanır”, – deyə o əlavə edib.