Qarabağda işğaldan azad olunmuş ərazilərdə kənd təsərrüfatı sahəsində ilk dəfə genişmiqyaslı texnika sərgisi təşkil olunub.
İctimai.az xəbər verir ki, Zəngilan rayonunun Ağalı kəndində keçirilən sərgidə kənd təsərrüfatında istifadə olunan müasir texnika və avadanlıqlar nümayiş etdirilir.
Sərgi azad edilmiş ərazilərdə kənd təsərrüfatının inkişafına, müasir texnologiyaların tətbiqinə və fermerlərin yeni texnika imkanları ilə tanış olmasına mühüm şərait yaradır.
Ağalıda keçirilən bu tədbir həm də Qarabağda həyatın yenidən qurulmasının, torpaqların kənd təsərrüfatı dövriyyəsinə qaytarılmasının və müasir aqrar imkanların formalaşdırılmasının daha bir əyani göstəricisidir.
Sərgidə nümayiş etdirilən texnikalar iştirakçıların böyük marağına səbəb olub.
