Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin maluyyə dəstəyi ilə Azyaşlıların Hüquqi Maariflənməsinə Kömək İctimai Birliyi məktəblilər araslnda yol hərəkət nişanlarının öyrədilməsi məqsədi ilə “Qaydalara əməl et, özünü qoru” layihəsi ilə 9 oktyabr tarixində Yevlax şəhər 2 saylı məktəbdə tədbir keçirib.
İctimai.az xəbər verir ki, tədbirin məqsədi uşaqlara yol hərəkət nişanlarının öyrədilməsi, avtomobil yolundan keçərkən özlərinin təhlükəsizliyini necə qorumaları haqqlnda maarifləndirici söhbətlər aparmaqdan ibarət olub.
Tədbiri məktəbin direktoru Sədaqət xanım açaraq, tıdbir haqqında uşaqlara qısa məlumat verdi.
Dövlət himni səsləndi.
Azyaşlıların Hüquqi Maariflənməsinə Kömək İctimai Birliyin sədri Nazlı Zeynalova məktəblilərə latihənin məqsədi və əhəmiyyəti haqqında məlumat verdi.
Tədbirdə iştirak edən Milli Qəhrəman Fariz Mədətov, Yevlax rayon Yol Polisi əməkdaşları F. Hüseynov, Mübariz Məmmədov, hüquqşünas ekspert Fariz Əkbərov çıxış etdilər. Onlar tədbirdə iştirak edən 30 dan çix məktəblinin yok nişanları haqqında verdikləri suallara geniş məlumat verdilər.
Tədbirdə məktəblilərlə ,,Yol hərəkət nişanları haqqlnda nə bilirsən” mövzusunda uçaqlara suallar verildi. Uşaqlar həvəslə bildikləri yol hərəkət nişanları haqqında cavab verdilər.
Məktəbin direktoru Sədaqət xanım belə xeyirxah tədbirin onların məktəbində keçirdikləri üçün İctimai Birliyin sədri Nazlı xanıma təşəkkür etdi.
Sonda İctimai Birliyin sədri N. Zeynalova tədbirin keçirilməsi üçün onlara yaradılan yüksək şəraitə görə Yevlax Təhsil Sektoruna, məktəbin direktoru Sədaqət xanıma, fəal iştirak etdikləri üçün məktəblilərə təşəkkür etdi.