Rusiya Federasiyasının nüvə doktrinasındakı dəqiqləşdirmələr Rusiya prezidenti Vladimir Putinin Qərbə yeni ciddi xəbərdarlığı oldu.
Bu barədə Amerikanın Associated Press agentliyi yazır.
“Putin çərşənbə günü Qərbə sərt yeni xəbərdarlıq edərək bildirib ki, nüvə dövlətinin dəstəklədiyi Rusiyaya hər hansı adi hücum onun ölkəsinə qarşı birgə hücum kimi qiymətləndiriləcək”.
Qeyd olunur ki, müvafiq xəbərdarlıq “açıq şəkildə Qərbin Ukrayna Silahlı Qüvvələrinə Rusiyanın dərinliklərinə zərbələr endirməsinə imkan verməməyə” yönəlib.
Bundan əvvəl ABŞ ordusunun istefada olan polkovnik-leytenantı Daniel Davis demişdi ki, Rusiyanın nüvə silahından istifadə şərtlərini dəyişməsi Qərb ölkələrini çətin seçim qarşısında qoyur.
