Birləşmiş Ştatlar ölkənin texnologiya sənayesini cilovlamaq məqsədilə Çinə süni intellekt çiplərinin və onlar üçün avadanlıqların tədarükünə yeni məhdudiyyətlər tətbiq edib. Bu barədə “Reuters” məlumat yayıb.
Yenidən işlənmiş qaydalar 2023-cü ilin oktyabrında tətbiq edilən məhdudiyyətlərə əsaslanır. Sənəddəki dəyişikliklərin həcmi 166 səhifə təşkil edir. Xüsusilə, Çinə çiplərin tədarükü ilə bağlı məhdudiyyətlər bu çipləri ehtiva edən noutbuklara da aiddir. Yeni qaydalar aprelin 4-dən qüvvəyə minəcək.
Bundan əvvəl Britaniyanın “Financial Times” qəzeti yazırdı ki, ABŞ-ın süni intellekt texnologiyaları üçün istifadə edilən çiplərin Çinə ixracına yeni məhdudiyyətlər tətbiq etməsindən ehtiyatlanan iri Çin şirkətləri təcili olaraq Amerika istehsalçısı “Nvidia”dan çiplər almağa başlayıblar.
Mənbə:Reuters
