Kaliforniyada bir ayı 37 gündən sonra yaşayış binasının zirzəmisindən qovulub. “The New York Post” qəzeti təfərrüatları bildirir.
Heyvan noyabr ayında yerli sakin Ken Consonun zirzəmisində məskunlaşmışdı. Kaliforniya Vəhşi Təbiət və Balıqçılıq Departamenti tələ qursa da, orada daha kiçik bir ayı tutulub.
Kişi dövlət orqanlarını hərəkətsizliyə görə məhkəməyə verməklə hədələyib. Conson qış tətilini vəhşi heyvanla keçirməyə məcbur olub, lakin ayı yanvar ayında evdən qovulub.
Məqalədə deyilir: “Los-Anceles dairəsində bir kişinin evinin altında 37 gün yaşayan 550 funtluq ayı peyntbolla çiləndikdən sonra nəhayət binanı tərk edib”.
