ABŞ Maliyyə Nazirliyi ölkənin defoltunun qarşısını almaq üçün yanvarın 21-dən etibarən “fövqəladə tədbirlər” görmək niyyətindədir.
Bu barədə departamentin rəhbəri Canet Yellenin Nümayəndələr Palatasının spikeri Mayk Consona ünvanladığı məktubda deyilir.
“Maliyyə Nazirliyinin yanvarın 21-də görməyə başlayacağı fövqəladə tədbirlər haqqında sizə məlumat vermək istərdim. Fövqəladə tədbirlərin qüvvədə olacağı müddət əhəmiyyətli qeyri-müəyyənliklə bağlıdır” dedi.
Yellen dəqiqləşdirib ki, Xəzinədarlıq Departamenti bəzi müavinətlərin ödənilməsi üçün vəsaitin ayrılmasını dayandıracaq. O, həmçinin ödənişlərin və daxilolmaların proqnozlaşdırılması ilə bağlı mümkün çətinlikləri qeyd edib.
