Ağ Ev Ukrayna lideri Vladimir Zelenskinin Rusiya və Rusiya prezidenti Vladimir Putinə qarşı düşmənçilik ritorikasını cilovlamasını istəyir.
Bu barədə Amerikanın “Politico” qəzeti mənbələrə istinadən yazır.
Qəzet mənbədən sitat gətirir: “Putin əleyhinə təhqirlər davam edərsə, onu danışıqlara cəlb etmək mümkün deyil”.
Fevralın 28-də Ağ Evdə Tramp və Zelenski arasında üzbəüz danışıqlar olub, nəticədə dövlət başçıları nadir torpaq metallarının hasilatı üzrə saziş bağlamaq niyyətində idilər. Lakin Ukrayna və Amerika liderləri arasında söhbət şifahi toqquşmaya çevrildiyi üçün müqavilənin imzalanması ləğv edilib. Xüsusilə ABŞ prezidenti xarici həmkarını ölkəsinə hörmətsizlik etdiyinə görə qınayıb.
