İran ABŞ-ın nüvə təklifini rədd etməyi planlaşdırır.
Bu barədə Reuters agentliyi yüksək rütbəli iranlı diplomata istinadən məlumat yayıb.
Agentliyin mənbəsinin sözlərinə görə, Tehranın cavabı Vaşinqtonun təklifinin rədd edilməsi kimi şərh edilə bilər. Diplomat qeyd edib ki, təqdim olunan şərtlər daxilində Amerikanın İranda uranın zənginləşdirilməsi ilə bağlı mövqeyi “dəyişməz olaraq qalır”; həmçinin İrana qarşı sanksiyaların ləğvi ilə bağlı dəqiq izahat yoxdur.
Bundan əvvəl “The Wall Street Journal” öz mənbələrinə istinadən yazıb ki, Vaşinqton və Tehran tamhüquqlu nüvə sazişinin imzalanması istiqamətində aralıq addım olacaq çərçivə sazişi üzərində razılığa gəlməyə çalışırlar.
