Ağ Ev İsrailin Qəzza zolağında hərbi əməliyyatların daha az intensiv mərhələsinə nə vaxt keçməyi planlaşdırdığını bilmir. Bu barədə Amerikanın “Politico” qəzeti adı açıqlanmayan mənbələrə istinadən məlumat yayıb.
“Ağ Ev İsrailin HƏMAS-a qarşı daha az intensiv qisas mərhələsinə nə vaxt keçməyi planlaşdırdığını bilmir”, – nəşr yazıb.
Qeyd olunur ki, Milli Təhlükəsizlik Şurasının Yaxın Şərq üzrə yüksək səviyyəli rəsmisi Brett Makqurk və bir neçə ekspert arasında söhbətdən xəbərdar olan üç mənbə Makqurkun “ABŞ-ın nəyi bildiyi və nəyi bilmədiyi haqqında” açıq danışdığını bildirib.
Mənbə: Politico
