Bayden administrasiyası əvvəllər Amerika sanksiyalarına məruz qalan və Konqo Demokratik Respublikasında nadir torpaq elementlərinə sahib olan israilli milyarder Den Gertler ilə sövdələşməyə hazırdır. Bu barədə “The New York Times” yazır.
Administrasiyanın fikrincə, məhdudiyyətlərin aradan qaldırılması ABŞ-ı elektromobil akkumulyatorlarının istehsalı üçün lazım olan daha çox kobalt ehtiyatı ilə təmin edəcək. Müqavilənin şərtlərinə görə, Gertler üç Konqo mis-kobalt mədənindəki paylarını sata biləcək. Vaşinqton ümid edir ki, bu, Qərb şirkətlərindən DRC-yə investisiya cəlb edəcək və ABŞ avtomobil istehsalçılarının ehtiyacları üçün kobalt tədarükünü artıracaq. Nəşr yazır ki, ABŞ Dövlət Departamentinin və ABŞ Maliyyə Nazirliyinin nümayəndələri bildiriblər ki, Gertler əvvəllər respublikanı 1 milyard dollardan çox gəlirdən məhrum edən korrupsiya sövdələşmələrində iştirak etməyəcək.
Razılaşmanın tərəfdarları hesab edirlər ki, bu, Birləşmiş Ştatlara elektromobil istehsalında rəqabət boşluğunu aradan qaldırmağa kömək edəcək və yaşıl enerjinin inkişafına dəstək verəcək. Hazırda Konqodakı aktivlərin əksəriyyəti Çin şirkətləri tərəfindən idarə olunur və Gertler orada işləyərkən Qərb firmaları investisiyadan yayınıb.
Mənbə: The New York Times
