Birləşmiş Ştatlar taktiki nüvə silahı daşıya bilən F-15 döyüş təyyarələrini qəbul etmək üçün Macarıstandakı Kecskemet Hava Bazasından istifadə etməyə hazırlaşır.
RİA Novosti bu barədə Amerikanın dövlət satınalmaları ilə bağlı məlumatlara istinadən yazır.
Tenderdə yerləşdirilmiş məlumata görə, ABŞ paralel taksi yolunu və aerodromun özünü F-15, C-5 Galaxy nəqliyyat təyyarələri və A-10 Warthog hücum təyyarələrini yerləşdirmək üçün təkmilləşdirməyi planlaşdırır.
Genişlənmə Rusiyanın Ukraynada keçirdiyi hərbi xüsusi əməliyyata cavab olaraq ABŞ-ın Avropada hərbi mövcudluğunu gücləndirmək proqramının həyata keçirilməsinin bir hissəsidir. Genişləndirmənin dəyəri 25 milyon dollardan 50 milyon dollara qədər qiymətləndirilir və işin cəmi iki ilə başa çatdırılması gözlənilir.
