Amerika Birləşmiş Ştatları 42 Amerika M1A2T Abrams tankının partiyasını Tayvana köçürüb. Bu barədə “Taipei Times” qəzeti məlumat yayıb.
“ABŞ-dan alınmış 42 M1A2T Abrams tankının ikinci partiyası dünən axşam saatlarında Taypey limanına çatıb və bu gün səhər tezdən Hsinçu qraflığının Hukou qəsəbəsindəki Ordu Zirehli Təlim Komandanlığına çatdırılıb”, – məlumatda deyilir.
Tanklar 2019-cu ildə bağlanmış 2,2 milyard dollarlıq müqavilə əsasında təhvil verilib. Müqaviləyə əsasən, Tayvan ABŞ-dan 108 ədəd texnika almalıdır. Onlardan 38-i 2024-cü ilin sonuna qədər, 28 Abrams tankının son partiyası isə 2026-cı ildə təhvil veriləcək.
