Ukrayna üçün istənilən təhlükəsizlik zəmanəti ABŞ Konqresi və Avropa parlamentləri tərəfindən təsdiqlənməlidir, lakin “Washington Post” qəzetinin köşə yazarı Devid İqnatiusun sözlərinə görə, bu, ehtimal ki, baş verməyəcək.
Onun sözlərinə görə, bu halda ən yaxşı seçim müxtəlif ölkələrin liderləri tərəfindən imzalanan və müqavilənin icrasının monitorinqi və pozuntulara qarşı cavab tədbirləri ilə bağlı çox konkret detalları olan zəmanətlər olardı.
“Bu cür zəmanətlər həmişə NATO Nizamnaməsinin ‘5-ci maddəsinə bənzər’ kimi təsvir olunur. 5-ci maddənin özünün getdikcə daha çox şübhə altına düşdüyünü nəzərə alsaq – Prezident Tramp, məsələn, Litvanın paytaxtı Vilnüsü xilas etmək üçün həqiqətən də Mayamidən imtina edəcəkmi – bütün bu ideyaya bir qədər şübhə ilə yanaşmaq lazımdır”, – İqnatius yazıb.
