TASS agentliyinin Brüsseldəki diplomatik mənbəyə istinadən verdiyi məlumata görə, Avropa İttifaqı Rusiyaya qarşı 20-ci sanksiya paketi çərçivəsində Rusiya neftinin tədarükünün birgə bloklanması üçün ABŞ və Yeddilik Qrupundan (G7) dəstək ala bilməyib.
Mənbənin sözlərinə görə, Aİ ABŞ və G7-yə Avropa bizneslərinin Rusiya neftinin daşınmasını, eləcə də bayraqlarından asılı olmayaraq Rusiya neftini daşıyan tankerlərə hər hansı xidmət, təchizat, maliyyələşdirmə və ya sığorta xidmətləri göstərməsini tamamilə qadağan etmək planını təqdim edib.
Mənbə bildirib ki, “Avropa Komissiyası tərəfdaşlarını şirkətləri üçün oxşar qadağa qəbul etməyə dəvət edib. ABŞ sanksiyaları Aİ ilə sinxronlaşdırmaq öhdəliyi götürməkdən imtina edib”.
