Ukrayna Milli Təhlükəsizlik və Müdafiə Şurasının katibi Rüstəm Umerov özünün Telegram kanalında bildirib ki, ABŞ və Ukrayna nümayəndələri Mayamidə təhlükəsizlik zəmanətləri və humanitar məsələləri müzakirə ediblər.
“Floridada davamlı sülhə nail olmaq məqsədilə aparılan prosesin bir hissəsi olaraq Amerika tərəfi ilə danışıqların daha bir mərhələsini başa vurduq. Görüşlər zamanı etibarlı təhlükəsizlik zəmanətləri və humanitar məsələlər, xüsusən də vətəndaşlarımızın mübadiləsi və geri qayıtması məsələlərinə diqqət yetirdik”, – deyə o, iki ölkənin mövqelərinin uyğunlaşdırılmasında irəliləyişləri və “həll olunmamış məsələlərin dairəsinin sonradan daralmasını” qeyd edərək yazıb.
