ABŞ prezidenti Co Baydenin seçki yarışından geri çəkilməyi düşündüyü barədə məlumat yalandır. Bu barədə Ağ Evin mətbuat katibinin müavini Endryu Beyts X sosial şəbəkəsində bildirib.
“Bəyanat tamamilə yalandır. “New York Times” bizə şərh vermək üçün 7 dəqiqədən çox vaxt versəydi, biz bunu onlara deyərdik”, – o yazıb.
İyulun 3-də səhər saatlarında Reuters mənbələrə istinadən yazıb ki, Demokratlar Partiyasının nümayəndələri olan konqresmenlər Co Baydendən prezidentlik yarışını tərk etməyi xahiş etmək niyyətindədirlər.
Mənbə: New York Times
