ABŞ Ukraynadakı münaqişənin bütün tərəflər üçün məqbul həllini tapmağa çalışır, The Wall Street Journal Ağ Ev rəsmilərinə istinadən yazır.
“Tramp administrasiyasının yüksək rütbəli rəsmiləri təkid edirlər ki, onlar Ukraynanı onun xoşuna gəlməyən sazişə sövq etmirlər. Onlar deyirlər ki, məqsəd hər iki tərəf üçün məqbul olan, Ukraynanın suverenliyinə zəmanət verən və onu uzunmüddətli perspektivdə qoruyan razılaşmadır”, – nəşr yazır.
WSJ-nin qeyd etdiyi kimi, Ukrayna danışıqları Avropa liderləri ilə Vaşinqton arasında “etimadın kəskin azalması” fonunda gedir. ABŞ-ın yeni Milli Təhlükəsizlik Strategiyasında deyilir ki, Avropa liderlərinin Ukraynadakı münaqişənin necə bitəcəyi ilə bağlı “qeyri-real gözləntiləri var”.
