CBS News-un Pentaqon rəsmilərinə istinadən verdiyi məlumata görə, ABŞ-ın İrana qarşı seçimləri kiber əməliyyatlar və psixoloji müharibəni əhatə edə bilər.
Kiber əməliyyatlar və psixoloji müharibə yerli komandanlıq strukturlarını, rabitəni və dövlət mediasını pozmaq üçün nəzərdə tutulub. Hesabatda bildirilir ki, onlar hərbi qüvvə ilə birlikdə və ya müstəqil seçimlər kimi həyata keçirilə bilər.
ABŞ prezidenti Donald Tramp artıq bütün mümkün tədbirlər barədə məlumatlandırılıb. Yanvarın 13-də onun milli təhlükəsizlik komandası Ağ Evdə İranla bağlı seçimlərin siyahısını müzakirə edəcək.
