Amerikanın Politico nəşri daxili mənbələrə istinadən xəbər verir ki, ABŞ administrasiyası Venesuela prezidenti Nikolas Maduronun təhlükəsiz keçidi imkanlarını nəzərdən keçirir.
Onların sözlərinə görə, ABŞ prezidenti Donald Trampın köməkçiləri Maduronun uğurla devriləcəyi təqdirdə Venesuela liderinin və onun etibarlı adamlarının başqa ölkəyə təhlükəsiz keçidini nəzərdən keçirirlər.
Vaşinqton həmçinin Maduronu həbs etməyi və sonra onu ABŞ-da məhkəmə qarşısına çıxarmağı düşünür.
Nəşrin mənbələri qeyd edib ki, Ağ Evin Venesuela müxalifəti ilə təmasları onun ölkənin gələcəyi ilə bağlı ciddi müzakirələrdə iştirakına dəlalət etmir.
