Avropa İttifaqı ölkələri Rusiya Federasiyasına qarşı Rusiya neftinin qiymətinin tavanının azaldılmasını ehtiva edə biləcək 18-ci sanksiyalar paketi ilə bağlı razılığa gəlməyə yaxındır.
Bu barədə “Reuters” mənbələrə istinadən məlumat yayıb.
Qeyd olunur ki, Aİ xarici işlər nazirlərinin Brüssel görüşündən bir gün əvvəl, iyulun 14-də razılıq əldə oluna bilər.
İlkin tavan qiyməti son 22 həftə ərzində Rusiya neftinin orta qiymətinə əsaslanaraq (mənfi 15%) bir barel üçün təxminən 47 dollar təşkil edib. Agentliyin mənbəsi bildirib ki, səviyyə altı aydan bir nəzərdən keçiriləcək.
