Almaniyanın “Bild” qəzeti Brüsseldəki öz mənbələrinə istinadən xəbər verir ki, Avropa İttifaqı (Aİ) səlahiyyətliləri gizli şəkildə 2030-cu ildən şirkətlər və iri avtomobil icarəsi firmaları tərəfindən benzinlə işləyən avtomobillərin alınmasını qadağan etmək planı hazırlayır.
“2030-cu ildən başlayaraq Sixt və ya Europcar kimi şirkətlərə, eləcə də iri korporasiyalara yalnız elektrik avtomobilləri almağa icazə veriləcək”, – qəzet yazır.
Bild mənbələri aydınlaşdırıb ki, bu təşəbbüs Aİ ölkələrində yeni avtomobil satışlarının ümumi həcminin 60%-ə qədərinə təsir göstərə bilər. Mənbələrin sözlərinə görə, artıq müvafiq qanun layihəsi üzərində iş gedir, lakin bu məsələ ilə bağlı rəsmi şərhlər daha sonra veriləcək.
