El Confidencial-ın məlumatına görə, İspaniyanın yenidən seçilmiş baş naziri Pedro Sançes cümə axşamı İsrailə və Fələstin ərazilərinə gedəcək və orada Fələstin Dövlətini tanımaq niyyətini elan etməyi planlaşdırır.
Sançesin səfəri Belçika Baş Naziri Alexander De Croo ilə birgə baş tutacaq. Hər iki dövlətin başçıları ilk növbədə İsrailin baş naziri Binyamin Netanyahu ilə şəxsi görüş keçirməyi planlaşdırır. İspaniya hökumət mənbələri hesab edir ki, Sançes Fələstinin münaqişənin yeganə mümkün həll yolu kimi tanınmasının zəruriliyi barədə İsrail dövlətinin başçısına məlumat verəcək.
Bundan sonra Sançes İordan çayının qərb sahilinə və Ramallah şəhərinə səfər etmək niyyətindədir və burada Fələstin lideri Mahmud Abbasla görüşməyi planlaşdırır.
Mənbə: Lenta.ru