Pivə və ya şərabın alkoqolsuz variantlarına artan tələbat var. Uğurlu alternativlər yaratmaq üçün istehsalçılar pivə və şərabın özünəməxsus ləzzətini hansı maddələrin verdiyini bilməlidirlər.
Journal of Agricultural and Food Chemistry (J. Agric. Food Chem) jurnalında dərc olunan araşdırmanın müəllifləri onları axtarmağa başlayıblar.
Tədqiqatçılar mövcud araşdırmaları nəzərdən keçirdilər və müxtəlif pivə və şərab növlərində 29 birləşmənin orta nisbətini təyin etdilər. Bu maddələrdən istifadə edərək içkilərin alkoqolsuz variantlarını yaradıblar.
Həm pivə, həm də şərab fermentasiya yolu ilə istehsal edildiyi üçün onların dadları çox vaxt oxşardır. Məlum olub ki, daha qabarıq meyvə ətirləri içkiləri şərab kimi dadlandırır. Alimlər həmçinin müəyyən ediblər ki, ətir verən maddələr içkinin ətirinə şərabın və ya pivənin əsas mayesindən daha çox təsir edir.
