Ayda yaşıllıqların yetişdirilməsi üzrə avstraliyalı startap Lunaria One Amerikanın özəl kosmik şirkəti Intuitive Machines-in 2025-ci ilə planlaşdırılan missiyasında iştirak edəcək. Bu barədə “The Guardian” qəzeti yazır.
Gözlənilir ki, Lunaria One 380 min kilometr məsafə qət etməli və planetimizin təbii peykinin səthinə çıxmalı olan Intuitive Machines ay modulunun göyərtəsində toxum və bitkilər olan bir kapsul yerləşdirəcək.
Lunaria One-ın direktoru Lauren Fellin sözlərinə görə, Aleph adlı eksperiment bitkilərin buraxılış meydançasında uzun müddət saxlanmasına, buraxılış stresinə və sərt yerdənkənar şəraitə, o cümlədən temperaturun -130°C-dən 120°-ə qədər dəyişməsinə tab gətirə biləcəyini yoxlayacaq.
Mənbə: The Guardian
