Miçiqan Universitetinin amerikalı alimləri digər elmi qurumlardan olan həmkarları ilə birlikdə Amblyomma americanum növünün gənə dişləməsi nəticəsində qırmızı ətə qarşı allergik reaksiya olan alfa-qal sindromuna qarşı mübarizə metodu hazırlayıblar. Tədqiqat Frontiers in Allergy (FIA) elmi jurnalında dərc olunub.
Alfa-qal sindromu insanlara gənə tüpürcəyi vasitəsilə ötürülür. Qırmızı ət yeyən zaman xəstəlik pətək, qaşınma, dərinin soyulması, üzün, boğazın və bədənin digər hissələrinin şişməsi, təngnəfəslik, qarın ağrısı, ishal və qusma ilə nəticələnə bilər. Nadir hallarda, allergik reaksiya ölümcül ola bilər.
Yeni araşdırmada komanda alfa-qal sindromunun təsirlərini bloklayan nanohissəciklər yaradıb. Bu maddələr mal əti, donuz əti, quzu əti və digər məməlilərin ətində olan müəyyən şəkər növünə məhəl qoymamaq üçün immunitet sistemini yenidən öyrədir.
Mənbə: FIA
