London İmperial Kollecinin britaniyalı alimləri müəyyən ediblər ki, yeraltı karbon qazını (CO2) vurmaqla qlobal istiləşmə ilə mübarizə aparmağın əsas yolunun öz sərhədləri var. Tədqiqat Nature Communications (NatComms) elmi jurnalında dərc olunub.
Planetin qlobal istiləşməsinin qarşısını almaq üçün hazırkı ssenarilər karbon dioksidi bəşəriyyətin buraxdığından daha tez havadan çıxaran texnologiyalara əsaslanır. Bu, 2050-ci ilə qədər ildə 1-30 milyard ton (giqaton) sürətlə CO2-nin atmosferdən çıxarılmasını tələb edəcəkdir.
Tədqiqat nəticəsində məlum olub ki, 2050-ci ilə qədər hər il yerin altında 16 giqatona qədər CO2 saxlanıla bilər.Bununla belə, bu məqsədə nail olmaq üçün növbəti onilliklər ərzində saxlama qabiliyyətinin və miqyasının böyük artımı tələb olunacaq ki, bu da investisiyaların, inkişafın və yerləşdirmənin hazırkı tempini nəzərə alaraq gözlənilmir.
Mənbə: NatComms
