Böyük Britaniyanın Sauthempton Universiteti və Norveçin Bergen Universitetinin alimlər qrupu müəyyən ediblər ki, erkən yeniyetməlik dövründə siqaret çəkməyə başlayan oğlan uşaqları gələcək uşaqlara zərərli epigenetik xüsusiyyətləri ötürmək riski daşıyırlar. Araşdırma “Clinical Epigenetics” elmi jurnalında dərc olunub.
Mütəxəssislər yaşları 7-50 arasında olan 875 nəfərin epigenetik profilini araşdırıb və atalarının siqaret çəkib-çəkmədiyini də öyrəniblər. Onlar ataları ilk dəfə 15 yaşından əvvəl siqaret çəkən insanların genlərində dəyişikliklər aşkar ediblər. Genetik transformasiyalar astma, piylənmə və nəfəs alarkən hırıltının inkişafı ilə əlaqələndirildi.
Tədqiqatın həmmüəllifi, doktor Nequs Kitabın sözlərinə görə, erkən yetkinlik dövründə oğlan uşaqlarında reproduktiv funksiyalara və irsiyyətə cavabdeh olan kök hüceyrələr qoyulur. Buna görə də, ataları erkən yaşda siqaret çəkən uşaqlarda epigenetik markerlərdəki dəyişikliklər böyüklər kimi siqaret çəkməyə başlayan kişilərin nəslinə nisbətən daha aydın görünür.
Mənbə: Haberler Global
