Rusiya və Özbəkistandan olan alimlər rus desmanının ilk yüksək keyfiyyətli genom ardıcıllığını tamamladılar. “İzvestiya” qəzetinin məlumatına görə, əsasən Avropa Rusiyasında su hövzələrində yaşayan bu nadir məməlilər ciddi şəkildə nəsli kəsilmək təhlükəsi ilə üzləşirlər.
“Tədqiqatın məqsədlərindən biri mamontların və yunlu kərgədanların müasirləri olan bu heyvanların niyə Buz dövründən sağ çıxdığını, lakin indi nəsli kəsilmək təhlükəsi ilə üzləşdiyini anlamaq idi”, – deyə Sankt-Peterburqdakı Avropa Universitetinin (EUSP) paleogenomika laboratoriyasının elmi direktoru Artem Nedolujko bildirib.
Rus desmanları təxminən 35-40 milyon il əvvəl Yer kürəsində peyda olan və təkamülü boyunca demək olar ki, dəyişməz qalan nadir bir növə aiddir. Alimlər qeyd edirlər ki, əldə etdikləri DNT məlumatları növün dirçəlişi üçün əsas ola bilər.
